ऑनलाईन मिडिया आणि मनोरंजन

              एकविसाव्या शतकाचं वैशिष्ट्य म्हणजे इंटरनेटचा सर्व क्षेत्रात वाढलेला वापर. एकमेकांशी संपर्कासाठी पत्रव्यवहाराऐवजी ई-मेल, व्हॉट्सअॅप, फेसबुकसारखे सोशल मीडिया, बातम्यांसाठी वर्तमानपत्रं वाचण्याऐवजी गुगल न्यूज, याहू न्यूज, अॅपल न्यूज, ट्विटरसारखी अॅप्लिकेशन्स वापरण्याकडे कल वाढत चालला आहे.  .

           पुस्तकं, कपडे, फर्निचर, औषधं, खाद्यपदार्थ किंवा कुठलीही एखादी वस्तू खरेदी करायची असेल, तरी ती इंटरनेटद्वारे मिळू शकते. बँकेचे व्यवहार असोत, इन्कमटॅक्स, सेल्सटॅक्स भरायचा असो, रेल्वेचा किंवा विमानाचा प्रवासच नाही, तर गावातल्या गावात कुठेही जायचं असो, सगळ्यांसाठी आज इंटरनेट वापरावंच लागतं.इंटरनेट ही आता चैन राहिली नसून, काळाची गरज होऊन बसली आहे. एके काळी सतत नेट वापरणाऱ्यांना नेटसॅव्ही म्हटलं जायचं. एखादी व्यक्ती सतत ऑनलाइन असणं ही प्रतिष्ठेची बाब समजली जायची; पण आज घरकाम करणाऱ्या अशिक्षित मोलकरणीदेखील त्यांच्या रोजच्या कामांसाठी सफाईने मोबाइल वापरतात.

         लोक एक-दोन तास रोजच या इंटरनेट माध्यमामध्ये व्यतीत करतात. सगळे धरबंध सोडून ते या मायाजालाच्या आभासी जगात एवढ्या मोठ्या प्रमाणात गुरफटले आहेत, की त्यांना या इंटरनेट,  आणि तत्सम तंत्रज्ञानाचं व्यसनच लागलं आहे.

         माहिती गोळा करणं आणि माहिती साठवण्यासाठी वापरल्या जाणाऱ्या संगणकीय मायाजालाची मोहिनी, आज प्रत्येकाच्या आयुष्याच्या कानाकोपऱ्यात

पसरली आहे. आणि यामुळे अगदी दोन वर्षांच्या बाळापासून विशीतल्या तरुणापर्यंत सर्वच या ऑनलाईन माध्यमांचे गिऱ्हाईक असतात

v इंटरनेटचे  मनोरंजनाच्या दृष्टिने फायदे  :

·               ·          आपल्या आयुष्यातल्या घडामोडी स्टेटसच्या किंवा फोटोच्या रूपाने सतत पोस्ट आणि 

               अपडेट केल्या जातात.

·        नवनवीन व्हिडीयो, स्टोरीज शेअर केले जातात. नवनवीन मित्रमत्रिणी हमखास बनवता येतात.

·         ट्विटरवर सेलिब्रिटींना फॉलो करून त्यांच्याबद्दल जाणून घेता येते. एकूणच त्यांच्याशी थेट संपर्कात आहोत असं वाटते.

·        सिनेमा पाहणं असो अथवा आवडत्या सीरिअलचा बघायला न मिळालेला एपिसोड असो त्यासाठी यूट्युबची मदत होते.

·         ई बुक वाचण्यासाठी आणि ऑनलाईन गेम खेळण्यासाठी, गाणी डाऊनलोड करण्यासाठी इंटरनेट वापरले जाते.

·              ·           इंटरनेट उपलब्ध असेल तर कितीही वेळ मेसेजिंग अ‍ॅपच्या सहाय्याने संवाद साधता येतो.

·                           स्काईपच्या मदतीने तर थेट परदेशी असणार्या व्यक्तीशी व्हिडीओ चॅटिंग सहज शक्य होते.

              

v इंटरनेटचे मनोरंजनाच्या दृष्टिने वाईट परिणाम किंवा तोटे

·      ·          इंटरनेटचे व्यसन वाढले.

·      ·        .अहोरात्र मोबाइलवर नेट सुरू ठेवणं.

·      ·        सकाळी उठल्यावर प्रथम मोबाइलमधील मेसेज चेक करणे, आपल्या पोस्ट्स पाठवणं.

·      ·        दिवसाला भरमसाठ फोटो फेसबुक, इन्स्टाग्रॅम किंवा व्हॉट्सअॅपवर टाकणं.

·     ·           सुरक्षिततेचा प्रश्न.

·      ·        इतरांच्या आयुष्यात लक्ष घालणे.

·      ·        शारीरिक  तसेच मानसिक परिणाम.